Sambah KAMAKAN -Tanah Datar -Padang Panjang
( SAPANGKA ka ALEK
)
Assalamualaikum
pambukak kato
Bismillah pambukak
kaji
Talatak guntiang
di hulu
Di bawah kumpalan
tali
Asolah kato nan
dahulu
Tigolah kato nan
tajadi
Partamo sambah jo
manyambah
Kaduo baso
dengan basi
Katigo siriah
dengan pinang
Cukuik ka ampek
makan jo minum
Sambah manyambah
di dalam adaik
Tali batali dalam
undang undang
Tapakai bamuluik
manih
Tapakai babaso
baiak
Muluik manih,
cupak ……….
baso di baik, tabu
di bibia
banamo adaik sopan
santun
mangko disuruah
nan mudo matah,
nan capek kaki,
nan ringan tangan
nan siaik lidah,
nan pandai bicaro
mangatoan ka karik
sarato jo baik, ipa sarato jo bisan, urang kampuang lah namonyo
dek bakamujuran
lah kami silang nan bapangka, jumalah karajo nan bajunjuang
urang pitalah pai
ka padang, kapadang pai manggaleh, galehnyo balabo pulo
nan di saru alah
dtang, nan di imbau alah tibo, lah mustalak alea di tangah rumah nan ko
baa dek karano
alah mustalak alea ditangah rumah nan ko
ditantangan duduak
mamak niniak nan gadang basa batuah
sarato alek nan datang
kok kurang rancak
susun ibaraik siriah
kok kurang elok
lirik ibaraik urang ma atua
nan tuo kok indak
duduak di pusako
nan mudo kok indak
duduak di limbago
nak babari kami
maaf suko jo rila
lampisan di baliak
pado itu
mangko disuruah
nan mudo matah, nan capek kaki nan ringan tangan
capek kaki bukan
panaruang, ringan tangan bukan pamacah
manatiangan jo
wadah nan katangah.
baa ditantang jo
wadah nan katangah
dipandang lah
baiak rupo,
diliek lah baiak
roman
dimisalkan mangko
urang balaia
kapa lah sarek jo muatan
biduak lah cukuik
jo pandayuang
hutang dikito
malaia kan
aratinyo bana
parik tarantang
mintak ditimbun
barajok tatagak
mintak dicabuik
aia digaleh mintak
diminum
nasi dipiriang
mintak dimakan
ikolah nan
kadibakan ka nan sakaji alek
nan pai satampuah
nan pulang sabondoang
sakian sambah ka
sutan nan sakaji alek
( ALEK ka SAPANGKA
)
Lah sampai di
Angku
Aratinyo tantang
sambah manyambah, diamba gadang, dianjuang tinggi
Maaf dimintak
kabakeh angku
Aratinyo nan
manjadi buah bana di amak lah ambo simak an
Sayak iyo, cawan
pun iyo
Labu di balah rang
paladang, dibalah dimano disandaan, disandaan
Siak iyo sutan pun
iyo
Ragulah mato nan
mamandang
Sambah dimano
ditiboan, ditiboan kabakeh angku nan sapangka
Ditabang batuang
ka pumpuang
Di ambiak ka
lantak paga
Salam jo sambah
kami anjuang
Pulangnyo kabakeh
angku nan sapangka
Aratinyo bana
Kok ma agak I di
angku silang nan bapangka, karajo jumalah nan bajunjuang
Alah di barih tibo
paek, lah di rakuak tabang batang,
Lah di rasuak
manjariau, lah di kasau lakek atok
Aratinyo bana
Kok dikami saji
alek nan datang
Nan tuo alah
duduak di pusako, nan mudo alah duduak di limbago
Indak
bakatinggalan angku tantang itu
Baa kok ma agak
ditantang juadah nan katangah
Dipandang lah baik
rupo, diliek lah baiak roman
dimisalkan mangko
urang balaia
kapa lah
sarek jo muatan
biduak lah cukuik
jo pandayuang
hutang di kito
malaia kan
kan baitu bana
kabanaran angku?
Di sapanjang
kabanaran angku
Dibarih tibonyo
paek, dirakuak tabangnyo batang
Kalaluannyo kini
tu
Kok ma agak I di
kamilah sakaji alek nan dating
Rang padang
mangguluang banang, diguluang lalu dilipek, dilipek lalu dipatigo
Kalau dirantang
namuah panjang, elok dipunta nak nyo singkek, singkek sakiro kapaguno
Aratinyo bana
Nak urang di batu
sangka, nak taruih ka pagaruyuang
Angku manabang
dari pangka, kami manyisiak dari ujuang
Sakian sambah
kabakeh angku
( SAPANGKA ka ALEK
)
Lah sampai di
sutan ?
Nan kabanaran
sutan tu,
Itulah kato nan
sabananyo
Tapi samantang pun
baitu sutan
Kambanglah jalo di
serak an,
Kanai lah anak
tali tali
Ambiak aia,
basuahlah tangan
Jo bismillah samo
kito mulai i.
Sakian sambah
Comments
Post a Comment