My Lova

( SAPANGKA ka ALEK ) Assalamualaikum pambukak kato Bismillah pambukak kaji Talatak guntiang di hulu Di bawah kumpalan tali Asolah kato nan dahulu Tigolah kato nan tajadi Partamo sambah jo manyambah Kaduo baso dengan   basi Katigo siriah dengan pinang Cukuik ka ampek makan jo minum Sambah manyambah di dalam adaik Tali batali dalam undang undang Tapakai bamuluik manih Tapakai babaso baiak Muluik manih, cupak ………. baso di baik, tabu di bibia banamo adaik sopan santun mangko disuruah nan mudo matah, nan capek kaki, nan ringan tangan nan siaik lidah, nan pandai bicaro mangatoan ka karik sarato jo baik, ipa sarato jo bisan, urang kampuang lah namonyo dek bakamujuran lah kami silang nan bapangka, jumalah karajo nan bajunjuang urang pitalah pai ka padang, kapadang pai manggaleh, galehnyo   balabo pulo nan di saru alah dtang, nan di imbau alah tibo, lah mustalak alea di tangah rumah nan ko baa dek karano alah mustalak alea ditangah ru...

  ( MAMAK ANAK BAPAK ) Kabakeh bapak anak kami Nan indak di sabuik namo, di panggia kan gala Mangko sarapek sapapeknyo lah Barang nan alea (madok) di tangah rumah nan ko Aratinyo nan ka dibanakan kabakeh bapak anak kami Mangko disuruah anak dari bapak, kamanakan dari mamak Maningkek janjang, manapiak bandua Ma antaan rokok nan sabatang Ado ko barek nan kabapikua, atau ringan nan kabajinjiang Basiangan bak hari, batarangan bak bulan Di bapak anak kami nan basamo Sakian sambah ( BAPAK ANAK ka MAMAK ) Lah sampai di Budi? Aratinyo nan manjadi buah bana di budi lah basimak an Aratinyo nan kadibanakan kabakeh bapak anak kami Nan indak di sabuik namo, di panggia kan gala Mangko sarapek sapapeknyo lah Barang nan alea (madok) di tangah rumah nan ko Aratinyo nan ka dibanakan kabakeh bapak anak kami Mangko disuruah anak dari bapak, kamanakan dari mamak Maningkek janjang, manapiak bandua Ma antaan rokok nan sabatang Ado ko barek nan kabapikua...

 Sambah MANYAMPAIAN NIAIK JO MUKASUIK (NAGARI ka SAPANGKA) Kabakeh angku silang nan bapangka pakarjaan nan bajunjuang Kadibaco bana mujua nan indak dapek di raiah Malang nan indak dapek ditulak Lah siang bak hari Lah tarang bak bulan Lah kahilangan dunsanak kito ditangah rumah nan ko Baa kok maagak I di kami nan sakaji nagari Dijauah nan baturuik, di ampia nan bajalang Tantu ado niaik jo mukasuik Nan manjadi niaik jo   mukasuik di kami kini tu tantang basidakah zikia Sapatah jo duo patah Dari mulo sampai sudah Dari awal sampai akia Batarimo suko di angku Jo muko nan janiah, jo hati nan suci Sabalun zikia dibacoan Basuo nan sapanjang pituah A nyo nan pituah Kalau jauah bajalan banyak nan tasuo Lamo hiduik banyak nan di rasai Kok ado talantak bakeh kanaiak Tasingguang bakeh katurun Kapado urang nan alah tadahulu Babari maaf di angku kami nan sakaji ahli warihnyo Adapun baliau nan alah tadahulu Basamo samo kami mambari...

Berikut saya berbicara tentang adat di Minang Kabau persoalan sambah/ alur berbicaranya orang minang. khusus kali ini saya postkan tentang alur sambah turun Dukacita ( NAGARI ka SAPANGKA) Kabakeh amak sambah Nan kadibanakan kabakeh amak Kadibaco bana malang nan taraiah , mujua nan tatulak Dipancuang talang ka turak, di ambiak ka junjuang siriah Malang nan indak dapek kito tulak, mujua nan indak dapek kito raiah Lah panjang palapah, lah singkek pinggalan Lah panjang langkah, lah singkek permintaan Lah bapulang urang tuo kito ka rahmat baiak, dank a rahmad tullah Manuruik adaik islam tantu dimandian, di kapanan , disumbayangi, Di antaan ka tanah nan tasirah, ka rumpuik nan layua, ka silalang nan lendo Baitu malah handaknyo Baa di nan kini Lah indak kaji nan saganok itu Lalunyo indak Lah taduah hujan, lah kariang lantai, lah tanang ribuik baru kami tibo Hanyolah di kami kini tu Sahinggo mamparagoan mungko nan janiah, hati nan suci Kabakeh angku ...